Наоми Кембел се враќа во серијата „Империја“

Музичката телевизиска серија „Империја“ со новите епизоди се враќа на програмата од 30 март 2016 година.

Серијата, која ја воодушеви публиката со првата сезона, загуби дел од гледачите во втора, помалку возбудлива, сезона, но ако се суди по трајлерот, ова шоу би можело повторно да ги освои старите фанови.

Во новата сезона на серијата се враќа Наоми Кембел, која ја игра повозрасната девојка на младиот репер Хаким.

Наоми и Хаким планираат да ја преземат музичката империја кои ја создадоа неговите родители, но тоа нема да им оди така лесно.

Во новите епизоди ќе ќе се дознае и дали Андре и сопругата Ронда ќе добијат дете, по кој пат ќе тргне талентираниот Џамал и дали Кики и таткото на нејзините деца на крајот ќе се смират.