Највисок степен на тревога во Индонезија, Малезија, Сингапур и Филипини
По вчерашниот терористички напад во Џакарта, соседните држави Малезија, Сингапур и Филипините, прогласија највисок степен на тревога, бидејки се реално можни не ретко најавуваните терористички напади и во овие држави.
Нема потврдени информации, но во медиумите се шпекулира дека полицијата има приведено повеќе лица за кои се знае дека се повратници од боиштата во Сирија и Ирак.
Во вчерашната терористичка акција во индонезискиот главен град Џакарта, официјално, загинаа седум лица, од кои пет терористи, а според се уште конфузните полициски соопштенија, има девет ранети, од кои еден е странски државјанин.
Амбасадите во регионот, управните згради на компаниите со странски капитал и хотелите во кои претстојуваат странци во четирите држави на југоисточна Азија се под засилена полициска контрола, а за безбедноста на полициските станици во повеќе градови во Индонезија ангажирани се и војници.
Повеќе воздухопловни компании од вчера ги откажуваат летовите кон Џакарта, а за сега нема откажување на летовите кон Бали, каде што нивото на обезбедувањето е посебно зголемено.
Бали беше мета на поголем терористички напад на исламски радикали во 2002 година, кога загинаа над 200 луѓе, од кои 88 беа австралиски државјани.
Ново на Сител
-
Битолчанка пронашла граната додека копала нива
-
До вторник сончево и топло до 29 степени
-
Нето надворешниот долг на крајот на 2023 година изнесувал 4.458 милиони евра
-
Тетовци се жалат дека не можат да излезат од дома поради глутниците
-
Три млади лица загинаа во тешка сообраќајка во Кичево
-
Велигденска честитка на Н.В.П. д-р Киро Стојанов, Скопски бискуп и Струмичко – скопски епарх
-
Изненадување во Мајами: Алкараз елиминиран од Димитров
-
Ѓоковиќ се уште не избрал нов тренер