Најмногу жалби до СЕММ за некоректно известување и говор на омраза
За две години постоење до Комисијата за жалби на Советот за етика во медиумите на Македонија (СЕММ) досега пристигнале 121 жалба и претставка, од кои за 98 се донесени одлуки. Најчести подносители на жалби се граѓаните, самите медиуми и политичарите, а најчести теми се вистинитоста и нефер известувањето, говорот на омраза и навредите и клеветите, информираa претставници на Советот на денешната прес-конференција.
Извршниот директор на СЕММ Марина Тунева истакна дека значењето на саморегулацијата полека се препознава, но и дека се уште е потребно да се работи активно на информираноста и за значењето и ефектите на саморегулацијата во заштитата на слободата на медиумите и правото на јавноста да биде етички и професионално информирана.
Драган Антоновски од СЕММ рече дека тоа што е битно е оти се прават грешки во професијата и има начин да се исправат, се разбира ако не се ненамерни.
- Не мора да се да заврши на суд со тужби и казни. Ние работиме со моралните казни и етичкиот кодекс. Може да се згреши и мора да се признае грешката. Тешко е, но мора да се научиме на професионалност и на правила, истакна Антоновски.
Посочи дека Советот за етика е подготвен и веќе е медијатор со медиумите, како и дека медиумите со потпишувањето на Повелбата на 12 февруари се подготвени да го почитуваат кодексот.
Сефер Тахири од ССЕММ, истакна дека бројот на пристигнати жалби и интересот на граѓаните, но и на другите организации и институции влева надеж дека саморегулацијата како процес може да влијае позитивно врз подобрување на медиумскиот систем во земјата.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација