Најмногу дожд во Крива Паланка, најстудено во Лазарополе
Најмногу дожд денеска до 16 часот наврна во Крива Паланка, 18 литри на метар квадратен, а најмалку во Гевгелија, еден литар.
Како што информира УХМР, попладнево до 16 часот водниот талог достигна шест литри на метар квадратен во Пожар и Лазарополе, пет во Берово, Струмица и Виница, три во Скопје Петровец и два во Маврово и Скопје.
Најстудено е во Лазарополе каде се измерени пет степени, седум во Маврово, девет во Ѓуриште, 10 во Берово и Пожар, 11 во Пожаране, 12 во Скопје и Крива Паланка, 13 во Претор, 14 во Виница, Охрид, Скопје Петровец и Тополчани, 15 во Прилеп и Тетово, 16 во Гевгелија, Струмица и Штип, 17 во Битола и 18 степени во Демир Капија.
Според УХМР, до крајот на денот времето ќе биде променливо облачно и свежо со повремени врнежи од дожд претежно во источните делови. Ветерот од вечерните часови ќе намалува со интензитетот.
Утре се очекува променливо облачно време со повремен локален дожд во западните и во северните делови. Ќе дува умерен ветер долж Повардарието. Минималната температура ќе се движи од пет до 11 степени, а максималната температура од 12 до 19 степени.
Во Скопје утре ќе биде променливо облачно со повремен дожд. Попладне ќе има почести сончеви периоди. Ќе дува умерен до повремено засилен северозападен ветер. Температурата ќе се движи од осум до 15 степени.
Во наредните денови, како што информира УХМР, ќе преовладува променливо облачно време повремено со сончеви периоди. Во попладневните часови ќе има локален дожд и услови за ретка појава на грмежи. До четврток ќе дува умерен, повремено засилен северен ветер. Дневните температури ќе бидат во постепен пораст. Во следните два дена утрата ќе бидат посвежи.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово