Најмалку шестмина загинати во монсунските дождови во Пакистан
Најмалку шест лица, меѓу кои жени и деца, загинаа како последица на монсунските дождови што го зафатија југозападен Пакистан, како и други делови од земјата, соопшти Националната агенција за борба со природни катастрофи.
Агенцијата изрази стравување дека бројот на жртвите може да се зголеми бидејќи неколку луѓе се водат како исчезнати по поројните поплави во оддалечените области на провинцијата Белучистан.
Поројните дождови, кои почнаа вчера, а продолжуваат и денеска, оштетија десетици домови во југозападниот регион на Пакистан.
Од минатиот месец, во услови на поројни дождови загинаа 38 луѓе, а беа оштетени повеќе од 200 домови во Пакистан, вклучително и во Балучистан.
Во оваа провинција за време на викендот, патнички автобус падна во длабока провалија за време на пороен дожд. Во несреќата загинаа 19 лица.
Поплавите од сезонските монсунски дождови предизвикуваат пустош во Пакистан секоја година, при што страдаат десетици луѓе.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп