Најмалку петмина загинати во рударска несреќа во Индија
Петмина рудари загинаа, а уште најмалку 23 други останаа заглавени во рударската јама, при одрон на сводот во рудник за јаглен во источниот дел на Индија.
Инцидентот се случил во рудникот „Лалкаматија“ во областа Года во индиската сојузна држава Џарканд.
- Досега извлековме тела на петмина загинати, а уште 23 рудари се затрупани под земјата, изјави локалниот полициски началник Харилал Чаухан.
Индиските медиуми, меѓутоа, повикувајќи се на анонимни извори јавуваат дека во рудникот се заглавени околу 50 рудари.
На местото на несреќата пристигнале околу 200 припадници на индиската Национална агенција за справување со вонредни состојби, кои започнаа операција за извлекување на затрупаните рудари.
Рудникот „Лалкаматија“ е во сопственост на државната компанија „Истерн Коалфилдс Лимитед“, чиј раководител Ниладри Тој изјави дека одронот се случил на околку 250 метри од окното, во време кога рударите излегувале од јамата.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација