Најмалку десетина убиени во троен самоубиствен напад во Нигерија

Тројца напаѓачи самоубијци се кренаа во воздух во градот Чибок, во североисточниот дел на Нигерија, од каде во текот на 2014 година исламистичката група Боко Харам киднапира над 200 ученички, пренесоа француските медиуми.

Бројот на жртви се уште не е докрај прецизиран, но во моментов има потврда за смртта на најмалку 10 лица и за над 30 ранети, соопшти Ајуба Чибок, претставник на локалните власти.

Нападите биле изведени околу 11 часот по Гринич и биле насочени врз пазарот што денеска бил отворен, додаде тој.