Свет
22. May 2019 - 21:35

Најмалку четворица мртви во невремето во САД

Најмалку четири лица ги загубија своите животи во невремето што во изминатите два дена ги погоди централните делови на САД, вклучувајќи ги Ајова, Канзас, Мисури и Оклахома, соопшти денеска гувернерот на Оклахома Кевин Стит.

Локалните власти им советуваа на жителите на гратчето Веберс Фолс во Оклахома да ги напуштат своите домови, бидејќи водостојот на реката Арканзас достигна историско високо ниво и се заканува да се излие од коритото.

-Најголемите грижи ни најавуваат новите врнежи. Според прогнозата, се очекува да наврне уште дожд во Тулса и северниот дел на Оклахома, изјави пред новинарите гувернерот Стит.

Според временската прогноза, во ноќта помеѓу среда и четврток, се очекува невреме во Оклахома, Мисури и Канзас.