Најмалку 60 убиени и над 120 повредени при напад врз полициски центар за обука во Пакистан
Најмалку 60 лица се убиени, а над 120 - повредени при напад врз полициска школа крај градот Куета, главен град на провинцијата Белуџистан во Северозападен Пакистан, соопшти претставник на локалната полиција, пренесува ДПА.
Меѓу повредените има доктори и припадници на безбедносните сили.
Министерот за внатрешни работи на провинцијата Белуџистан Сарфараз Бугти утрово рече дека операцијата за чистење на полициската школа од напаѓачите е завршена.
Нападот е извршен од тројца вооружени напаѓачи-самоубијци, изјави Бугти. Напаѓачите, кои носеле елеци со експлозиви, се мртви
- Двајца од напаѓачите-самоубијци се саморазнесоа, предизвикувајќи жртви, а третиот беше убиен од нашите војници, рече генерал-мајор Шер Афган во соопштението објавено во весникот „Дон“.
Според него, зад нападот стои пакистанската сунитска терористичка група „Лашкар е Џангви ал Алми".
Напаѓачите зеле 250 лица за заложници, кои после прочистувањето на центарот биле ослободени, додаде Афган.
Истото полициско училиште, во кое се школуваат над 700 курсисти, беше нападнато во 2006 и во 2008 година.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово