Најмалку 58 загинати при напади врз Источна Гута
Најмалку 58 цивили загинаа денеска при воздушни напади на сириските владини сили врз предградието на Дамаск, Источна Гута и неговата околина, кои се под контрола на бунтовниците, соопшти Сирискиот центар за мониторинг на човековите права.
Според оваа невладина организација со седиште е во Лондон, меѓу загинатите има и десетина деца.
Директорот на Центарот, Рами Абдел Рахман информира дека при нападите се нанесени сериозни оштетување на цивилни станбени објекти во Источна Гута и во неколку околни села.
Според податоците на Центарот, од 29 декември, па досега, при напади на сириските владини сили врз реонот на Источна Гута загинале 429 лица, од кои 106 биле деца, додека само во последниве четири дена во овој реон животите ги загубиле над 200 лица.
Од друга страна, во напади на бунтовничките сили од Источна Гута врз позиции во Дамаск и други делови во неговата околина под контрола на валдините сили, од ноември, па досега, загинале најмалку 78 лица, меѓу кои и десет деца.
Подрачјето на Источна Гута повеќе од четири години е под контрола на бунтовниците и често е цел на напади на владините сили. Во реонот живеат околу 400.000 лица, кои се соочуваат со недостиг на основни животни намирници.
Досега, како што јави МИА, имаше неколку обиди за прогласување прекин на огнот во Источна Гута, со цел да се достави хуманитрана помош до населението, но тие пропаднаа.
Ново на Сител
-
Сончево и топло до крајот на неделава со температури до 27 степени
-
Општините ќе одлучуваат дали ќе ги легализираат или рушат дивоградбите
-
Американската централна банка потврди рекордна загуба
-
Приведен крадец во Кочани, расчистени седум кривични дела
-
Џакарта повеќе нема да биде главен град на Индонезија
-
Кралот на Маорите на Нов Зеланд сака на китовите да им даде основни човекови права
-
Светски берзи: Скок на цената на нафтата, пад на цената на златото и пченицата
-
Трет ден потрага по Данка, проверка на базните станици и телефоните на родителите