Најмалку 55 загинати во експлозијата во близина на училиште во Кабул
Најмалку 55 лица загинаа во експлозијата што се случи вчера во близина на училиште во авганистанскиот главен град Кабул.
Портпаролот на Министерството за внатрешни работи Тарик Аријан рече дека најмалку 52 лица, претежно ученици, биле повредени во експлозијата, меѓутоа денеска тој број е зголемен на повеќе од 150 лица, додека портпаролот на Министерството за здравство, Гулам Дастагир Назари изјави дека досега се хоспитализирани 46 лица.
– Тоа е заедничко средно училиште за девојчиња и момчиња кои учат во три смени, од кои учениците од втората смена најмногу претрпеа во нападот, изјави Наџиба Аријан, портпаролка на Министерството за образование.
Засега никој не ја презеде одговорноста за нападот, но авганистанскиот претседател Ашраф Гани ги обвини талибанците.
Портпаролот на талибанците Забиулах Муџахид негираше вмешаност на бунтовничката група и го осуди инцидентот.
Кабул е во состојба на готовност откако Вашингтон ги објави плановите во април да ги повлече сите американски трупи од Авганистан до 11 септември, додека авганистанските власти соопштија дека талибанците ги засилиле нападите низ целата земја.
Ново на Сител
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај
-
ОЛАФ бара од Македонија да врати 2,2 милиони евра - злоупотребени пари од Еразмус плус
-
ССМ најавува серија протести, работниците излегуваат на улица
-
Штипските пензионери повторно на протест
-
Глобалниот минимален данок од 15% - закана за 50-тина компании кои работат во зоните кај нас