Најмалку 50 лица загинаа во двоен бомбашки напад во Ирак
Најмалку 50 лица загинаа, меѓу кои има и Иранци, а 87 се повредени во двоен самоубиствен бомбашки напад во близина на ирачкиот град Насирија, соопштија здравствените власти.
Според полициски извори, нападите се извршени во два ресторана во провинцијата Ди Кар. Во првиот ресторан влегле вооружени лица и отвориле оган врз посетителите, а потоа активирале автомобил-бомба во близина на контролен пункт на безбедносните сили и пукале кон нив, по што избегале во непознат правец. Вториот напад бил извршен врз ресторан покрај пат, кој ги поврзува провинциите Ди Кар и Басра.
Болнички извори тврдат дека бројот на жртвите би можел да се зголеми, имајќи предвид дека неколку луѓе се наоѓаат во критична состојба.
Телевизијата „Ал Арабија“ објави дека се убиени 60 лица, а 80 се повредени.
Одговорност за нападите презеде џихадистичката група Исламска држава. Тоа е најсмртоносниот напад во Ирак откако ИД беше протерана од Мосул.
Ново на Сител
-
Г-7 одлучни да ја засилат ПВО на Украина
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија