Најмалку 46 повредени на протестите на каталонските сепаратисти во Барселона
Најмалку 46 лица се повредени откако илјадници каталонски сепаратисти се судрија со полицијата во околината на стадионот Камп Ноу во Барселона, каде што синоќа се играше фудбалскиот натпревар помеѓу Барселона и Реал Мадрид.
Уапсени се девет лица, а полицијата ги растера демонстрантите со фрлање пена.
Протестантите, пак, фрлаа кон полицијата стаклени шишиња.
Организатор на протестот е групата „Цунами демократик“, на која се придружија илјадниците демонстранти кои носеа знамиња на Каталонија и транспаренти со порака „Шпанијо, седи и разговарај“.
Демонстрантите се собраа во близина на стадионот неколку часа пред почетокот на „Ел класико“, но до сериозни судири дојде за време на натпреварот.
Властите во Барселона ангажираа 3.000 припадници на полицијата и приватни фирми за одржување безбедност, а Владата во Мадрид испрати околу 500 припадници на единицата за спречување немири.
Екипите на Барселона и Реал Мадрид одиграа 0:0 во одложениот дуел од десеттото коло на Ла Лига.
Ова е прво „Ел Класико“ без гол по 17 години.
Ново на Сител
-
Ограбено тетовско казино, уапсени две лица
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна
-
Барселона го одврати Чави од заминување, нов договор до 2025-та
-
Уште еден гигант тргнува по ѕвездата на Манчестер Сити
-
Петмина тинејџери обвинети за тероризам по прободувањето со нож во црквата во Сиднеј
-
ИДФ за снимката на заложникот објавена од Хамас: Ова е итен повик за акција