Најмалку 4 загинати во терористичкиот напад во Виена, убиен е еден терорист
Најмалку четири лица – двајца мажи и две жени беа убиени во истовремени терористички напади синоќа во центарот на Виена на шест различни локации, соопшти австриското Министерство за внатрешни работи.
Австрија помина непроспиена ноќ, а жителите беа заклучени во своите куќи додека траеше потрагата по терористи.
Министерот за внатрешни работи на Австрија, Карл Неамер на утринската прес-конференција презентираше нови информации за нападот, информирајќи дека станува збор за тероризам.
Рече дека околу 15 лица се повредени, некои од нив се со исклучително сериозни повреди и се наоѓаат во болници.
Еден од напаѓачите е убиен во акцијата на полицијата и армијата. Министерот Немер објасни дека напаѓачот бил симпатизер на Исламската држава и дека бил извршен претрес во неговата куќа и по тој повод бил одземен видео материјал.
Портпаролот на полицијата Харалд Серес рече дека полицијата претпоставува дека имало најмногу четири напаѓачи, но тој посочи дека истрагата е во тек.
Се анализираат добиените видео материјали, како и изјавите на сведоците.
Напаѓачот кого го убила полицијата имал автоматска пушка, пиштол и мачета со себе.
Ново на Сител
-
Албанската опозиција во кампања со поддршка од косовскиот премиер
-
Анкета на ИРИ: Србите најголеми пријатели, Бугарија најголема закана за Македонија
-
Младите се пречесто на социјалните медиуми – не пребаруваат за политика
-
Наместо зголемени плати за 12%, вработените во култура не добија никаква плата за март - најавија протести
-
Доживотна казна затвор за кочанчанец кој усмрти жена на свиреп начин
-
Приватните специјализанти од понеделник се селат пред здравство
-
Стартува кампањата за парламентарните избори
-
Уште 5 дена кампања за претседателските избори