Најмалку 16 загинати во воздушен напад на руските сили врз сириската провинција Идлиб
Во воздушен напад на руските воени авиони врз сириската северозападна провинција Идлиб загинаа 16 лица, а повредени се повеќе од 35 лица, соопштија активисти и групите за следење на конфликтот, пренесе ДПА.
Бомбардиран е пазарот во градот Маарет ал-Нумаан, соопшти сириската Опсерваторија за мониторинг на човековите права со седиште во Велика Британија.
Активистите наведуваат дека воените авиони извршиле неколку летови на пазарот, во центарот на градот.
Тие изјавија дека црниот чад се крева над центарот на градот и граѓаните се на улиците, плачат и бараат помош.
Бројот на жртвите најверојатно ќе биде поголем, наведува агенцијата, бидејќи некои од повредените се во многу сериозна состојба, додека многу други се уште се водат за исчезнати или заглавени под урнатините, соопштуваат очевидци на нападот.
Силите на сирискиот претседател Башар ал-Асад, поддржани од руската авијација, од крајот на април спроведуваат масовна кампања против бунтовниците во провинциите Хама и Идлиб, што важат за последните опозициски упоришта во земјата.
Во офанзивата досега се убиени 2.599 лица, од кои 707 биле цивили, а раселени се дополнителни над 300.000 лица, наведувата набљудувачите , а пренесе ДПА.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација