Најмалку 15 луѓе загинаа во самоубиствениот напад во Могадишу

Полицијата денеска соопшти дека најмалку 15 луѓе загинаа во самоубиствениот напад врз хотелот „Насахаблад“, што се наоѓа во центарт на Могадишу.

Припадници на сомалиската исламистичка терористичка организација Ал Шабаб вчера извршија самоубиствен бомбашки напад врз хотелот, а потоа земаа заложници. Полицијата потврди дека е завршена заложничката криза.

При нападот на бомбашот-самоубиец загинаа најмалку 15 луѓе, меѓу кои и чувари на хотелот, цивили и исламисти.

Портпаролот на Ал Шабаб тврди дека во нападот загинале најмалку 20 лица.

Исламистичката група често извршува напади во Могадишу, обидувајќи се да ја собори Владата, која е поддржана од Западот.