Свет
20. јуни 2016 - 8:33

Најмалку 14 загинати при напади врз минибус со странци во Кабул

Најмалку 14 лица загинаа, а осум други се ранети утрово при самоубиствен бомбашки напад во Кабул, соопшти авганистанското Министертсво за внатрешни работи. 

Во соопштението се наведува дека цел на нападот бил минибус со кои патувале непалски државјани, ангажирани од една американска служба за обезбедување.

Одговорност за нападот презедоа авганистанските талибанци, чиј портпарол соопшти дека акцијата била извршена „против агресивните сили во Авганистан“.

Ова е прв напад во Авганистан од почетокот на светиот муслимански месец Рамазан на 6 јуни.

Последниот поголем напад во Кабул, за кој одговорност исто така презедоа талибанците, се случи на 19 април, при што загинаа 64 лица, а над 340 беа ранети.