Најмалку 10 загинати при напади во северозападна Сирија
Најмалку 10 лица загинаа денеска при воздушни и артилериски напади на сириските владини сили врз реони под контрола на бунтовниците во покраината Идлиб во северозападниот дел на Сирија, соопшти опозицискиот Сириски центар за мониторинг на човековите права.
Организацијата, чие седиште е во Лондон, во соопштението посочува дека десеттемина загинатите при денешните „воздушни напади и гранатирања на села и градови во покраината Идлиб“, биле цивили.
Сириските државни медиуми, од друга страна, соопштија дека владините сили возвратиле на нападите на „екстремистите“ врз подрачјата под контрола на Владата во Дамаск, при што била предизвикана само материјална штета.
Сириски центар за мониторинг на човековите права информира и дека при борби во Идлиб изминативе денови загинале најмалку 26 сириски војници и припадници на провладините паравоени формации, како и осум бунтовнички борци.
Од почетокот на интензивирањето на борбите меѓу владините сили и бунтовниците во Идлиб на 30 април, па досега, загинаа над 300 цивили. Во истиот период, поради борбите, речиси 300.000 лица ги напуштиле своите домови и престојуваат под отворено него, во шатори или во недовршени објекти.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање