Живот
18. September 2015 - 15:11

Најголемите комплекси на секој хороскопски знак

Овенот се плаши од зависност од другите

Припадниците на овој знак на прв поглед се многу самостојни и самоуверени, но тој нивни став често е привиден. Всушност, нив им е страв да зависат од другите бидејќи така им го диктираат и расположението. Од блиските луѓе потребна им е поддршка и внимание, инаку стануваат несигурни или депресивни. Тогаш ги примаат особините на „негативната Вага“ – несигурност, неодлучност, пасивност, голем замор и фрустрираност.

Бикот се плаши од несигурност

Без разлика дали во љубовта, финансиите или во професионална смисла, најголемиот внатрешен страв на припадниците на овој знак е несигурност и чувството дека немаат контрола над ситуацијата. Така во врската ќе им треба долго време за да стекнат доверба во партнерот и да го изгубат чувството дека тие се оние кои повеќе сакаат во врската. Ако се чувствуваат лошо ги преземаат карактеристиките на „негативната Скорпија“ – посесивност, лутина, обвинување, освета.

Близнаци се плашат дека не се доволно добри

Колку и да се комуникативни и експресивни, Близнаците се свесни за променливото расположение и поприлично се комплицирани. Иако околу себе имаат голем број луѓе со кои се согласуваат да го прифатат она што се. Во кризни ситуации преземаат карактеристики на „негативните Стрелци“ – не сакаат да слушаат туѓи објаснувања, главата им е во облаци и стануваат саркастични.

Ракот се плаши од потценување

Припадниците на овој знак поприлично се чувствителни на тоа колку често другите ги сметаат за важни во нивните животи. Нивната несигурност излегува на виделина во ситуации во кои се чувствуваат запоставено, несакано или ако ги прозиваат дека нешто не направиле како што треба. Тогаш ги попримаат карактеристиките на „негативниот Јарец“и стануваат песимистични, се повлекуваат во себе и се сожалуваат.

Лавот стравува дека луѓето ќе престанат да го сакаат

Губењето на положбата и јавното понижување се ситуации во кои припадниците на овој знак покажуваат слабост. Ако случајно некој ги игнорира нивните потреби и желби, на виделина излегува нивната внатрешна несигурност дека на блиските не им значат онолку колку што самите сметаат дека би требало. Тогаш ги примаат карактеристиките на „негативната Водолија“ и стануваат саркастични, повлечени во себе и бегаат од оние кои ги повредиле.

Девицата се плаши дека другите ќе ѝ ги прочитаат мислите

Припадниците на овој знак се навикнати да имаат ладнокрвна маска која ретко кој може да ја скрши, а таа всушност им служи за криење на внатрешната несигурност. Нивниот примарен комплекс е дека не се толку добри, вредни, способни или шармантни  како што оставаат впечаток, па чувствуваат постојан притисок дали ќе го одржат доброто мислење. Во стресни ситуации ги примаат карактеристиките на „негативните Риби“ – се плашат, емотивни се, деструктивни и хистерични.

Вагата стравува од туѓите одговори

Припадниците на овој знак нивниот социјален углед им е многу важен, а најголема несигурност претставува идеја дека другите за нив зборуваат нешто лошо, ги забележуваат нивните маани или погрешно ги сфаќаат нивните постапки. Стравуваат дека поради тоа другите ќе ги отфрлат и ќе имаат помала доверба за тоа колку им значат. Во стресни ситуации примаат карактеристики на „негативниот Овен“ – стануваат агресивни, викаат и често се караат.

Скорпијата има потреба да биде паметна пред сите

Скорпиите немаат многу комплекси, но една несигурност постојано ги следи – потребата да се доживуваат како паметни или способни. Ако се почувствуваат дека се изложени или ранливи, мислат на тоа како другите би можеле да ги искористат и да стекнат предност пред нив. Во таквите ситуации ги примаат карактеристиките на „негативниот Бик“ и стануваат пасивни или зајадливи.

Стрелците стравуваат дека луѓето ќе ги заборават

Иако делуваат неамбициозно, филозофски се настроени и имаат потреба да им се допаѓаат на луѓето. Важно им е сите да ги памтат по добро, а сите критики на нивна сметка ги сфаќаат многу лично. Ако не добиваат пофалба за нивната работа или однесувањето им се јавува комплекс на пониска вредност. Тогаш ги примаат карактеристиките на „негативните Близнаци“ и стануваат површни, зборуваат неповрзано, вознемирени се и многу незгодни во комуникацијата.

Јарецот се плаши да се опушти

Припадниците на овој знак се многу несигурни и недоверливи по прашање на емотивните односи. Сметаат дека не им се дораснати на туѓите игри и се плашат некому да се предадат со целосна доверба и емоции за да не останат повредени. Токму поради тоа глумат ладнокрвност, но во стресните ситуации таа ранливост доаѓа до израз. Тогаш ги добиваат карактеристиките на „негативниот Рак“ чудни се, посесивни, љубоморни и многу емотивни.

Водолијата го крие недостатокот на самодоверба

Иако делуваат како мислењето на околината да не им е важно, Водолиите често го кријат недостатокот на самодоверба. Сепак, , со оглед на тоа што не сакаат да се стопат во масата , туку тежнеат кон тоа да останат индивидуални, одлучуваат да глумат дека другите не ги интересираат. Истовремено стравуваат дека луѓето кои им се важни, лесно ќе ги заменат. Во стресни ситуации примаат карактеристики на негативниот „Лав“, не сакаат да слушаат, бегаат од расправии и гледаат „од високо“.

Рибите се плашат дека луѓето ги сфаќаат „здраво за готово“

Рибите по правило не се несигурни, само премногу размислуваат за човечките односи. Еден од вечните стравови им е дека другите ќе ги сфатат „здраво за готово“. Исцрпени од грижи за другите, уморни и разочарани, Рибите во стресни ситуации ќе ги примат карактеристиките на „негативните Ваги“ и ќе станат критични, ладни, исклучително перфекционистички настроени и воопшто нема да бираат зборови со кои ќе ги повредат другите.