Награди за најдобрите проекти од повикот „Предизвик за млади истражувачи“

Фондот за иновации и технолошки развој (ФИТР) денеска ќе додели награди на училиштата кои имаа најуспешен истражувачки проект во рамки на јавниот повик „Предизвик за млади истражувачи“  кој беше отворен од 31 ноември минатата година до 15 февруари  годинава.

На свеченоста во Градски парк е најавено обраќање на премиерот Зоран Заев, министерот за образование и наука Арбер Адеми и на директорот на ФИТР Јован Деспотовски.

На повикот учествуваа 64 основни и 34 средни училишта од цела Македонија со 98 апликации. Во финалето влегоа 31 основно и 18 средни училишта.

Целта на повикот е поттикнување на критичко и креативно размислување кај младите во нивниот развој и стимулирање на иновативни идеи и акции во процесот на образование во основните и средните училишта во Македонија.

Фондот за иновации и технолошки развој го спроведува повикот во соработка со Министерството за образование и наука.