Наџиб Разак: Севернокорејскиот амбасадор има 48 часа да ја напушти Малезија
Малезискиот премиер Наџиб Разак го осуди денеска Пјонгјанг поради навредливите коментари на севернокорејскиот амбасадор Канг Чол во врска со истрагата за убиството на полубратот на лидерот на Северна Кореја.
Пјонгјанг одби да го идентификува убиениот како Ким Џонг Нам, а амбасадорот Чол ги обвини властите во Малезија дека соработуваат со странски сили во истрагата и не може да му се верува на резултатот.
Поради тоа на амбасадорот му е наредено за 48 часа, кои истекуваат денеска попладне, да ја напушти земјата, бидејќи, како што изјави премиерот Разак, бил „дипломатски невоспитан“.
Доколку налогот за убиство на Ким Џонг Нам стигнал од Пјонгјанг, како што сметаат разузнавачките служби на САД и Јужна Кореја, тогаш Северна Кореја би можела да остане без поддршка од една од ретките пријателски држави.
Гневот на властите во Малезија го зголеми фактот што е користен боен отров VX, многу јак гас кој се наоѓа на листата на оружја за масовно уништување на ОН.
Ново на Сител
-
Крилото на Села на АА оди во коалиција со Европскиот фронт, очекува најмалку пет пратенички мандати
-
Тепачка помеѓу вработени во болница во Карпош
-
Физички нападната 71-годишна скопјанка
-
Тепачка на паркинг во Скопје
-
19-годишник повреден на работно место
-
Локализиран пожар во туристичката населба Абланица во Берово
-
Палестинската управа формира нова влада
-
Руски воени бродови впловија во Црвено Море