Надал: Секој ден кај мене се јавуваа сомнежи дали ќе се вратам по повредата
– Дваесеткратниот грен слем шампион Рафаел Надал по пласманот во четвртото коло на Австралија опен одговори на прашањето дали се сомневал дека ќе може да се врати по повредата на стапалото, поради која не играше од крајот на претходното лето.
– Секој ден. Вистина е. Многу месеци не можев да тренирам правилно. Се обидував да одам на терен секое утро, но понекогаш можев да тренирам само 20 минути, понекогаш 45. Понекогаш останував два часа. Беше многу тешко да се предвиди. Јас и докторот баравме решенија, пробавме различни работи. И иако го поминав овој процес неколку пати, секогаш го велам истото: полесно е да се справиш со повреда кога имаш распоред, кога знаеш дека, на пример, потребни се три месеци. Имате план, секоја недела работите на различни работи. Но, во мојот случај тоа беше многу потешко. Секој ден излегувате на терен или одите во вежбална, но нема напредок. Психолошки е многу потешко. Сепак, задоволен сум од тоа како се справив. Имав добро расположение и, веројатно, тоа ми помогна да се вратам. Не знам што ќе се случи следно, но сега уживам во секој ден, истакна Надал. Во осминафиналето на Австралија опен, Надал утре ќе ги одмери силите со Адријан Манарино од Франција.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово