Над 6.000 ученици од општина Аеродром ја почнаа новата учебна година
Во осумте основни училишта во општина Аеродром годинава ќе учат над 6.000 ученици. Од нив околу 800 се првачиња.
Општина Аеродром, како што соопштуваат оттаму, заедно со раководството на основните училишта кои се под нејзина надлежност, се погрижила на учениците да им овозможи што подобри услови за учење и свечен прием со пригодна програма за одбележување на почетокот на новата 2016/2017 учебна година.
- Во текот на летото, додека траеше ученичкиот распуст, училиштата се подготвуваа за успешен старт на новата учебна година, при што дел од нив беа реновирани, онаму каде што имаше потреба беа извршени поправки, дел од училниците, канцелариите, ходниците и фасадите беа варосани и исчистени, а дворовите уредени, се вели во соопштението од општина Аеродром.
Исто така, сите ученици во општината добиле бесплатна училишна облека. Овој проект, кој се одвива трета година по ред, велат од општината, наиде на одобрување и прифаќање не само кај учениците, туку и кај родителите, бидејќи сите ученици се облечени во иста облека и на тој начин се навикнуваат на соодветен кодекс на облекување.
Ново на Сител
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца