Над 60 луѓе повредени во серија бомбашки напади во Џалалабад
Најмалку 66 лица се повредени, меѓу кои и деца во серијата бомбашки напади врз ресторани и плоштади во Џалалабад, град во источен Авганистан, кој денеска одбележува 100 години независност.
За сега никој не презеде одговорност за 10 бомбашки напади. Во тој регион активни се Исламска држава и талибанските екстремисти.
Бомбите експлодираа во близина на пазарот каде стотина луѓе се собрале по повод Денот на независноста на Авганистан.
Според локални болнички извори најмалку 66 луѓе се повредени, од кои 20 се деца.
Авганистанскиот претседател Ашраф Гани во обраќањето по повод Денот на независноста во Кабул апелираше до меѓународната заедница да ја поддржи неговата земја и да ги „уништи гнездата“ на тероризмот.
Тој истакна дека борбата против ИД ќе продолжи, наведувајќи дека талибанците „ги поставија темелите“ за таквите брутални убиства.
Во саботата во напад на свадба во Кабул загинаа 63 лица, а повредени се 182. Одговорноста за нападот ја презеде огранок на ИД во Авганистан.
Нападите се во момент додека талибанците и САД преговараат за договор со кој е предвидено повлекување на американските сили од Авганистан во замена талибанците да се обврзат на мировни преговори со Владата во Кабул.
Ново на Сител
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче