Над 50 загинати во тропско невреме во Сомалија
Над 50 лица загинаа во невремето проследено со силен ветер и поројни дождови, предизвикано од тропскиот циклон Сагар, што го погоди северниот дел на Сомалија.
Потпретседателот на сомалискиот сепаратистички регион Сомалиленд, Абдирахман Абдулахи изјави дека засега е потврдена смртта на над 50 лица, додавајќи дека се стравува оти бројот на загинати може да биде поголем, бидејќи неколкумина се водат како исчезнати.
Циклонот Сагар ги погоди северна Сомалија и Џибути, откако во саботата се формира над Аденскиот Залив.
Канцеларијата на ОН за координација и хуманитарни прашање (УНОЦХА) соопшти дека циклонот погодил подрачје на кое живеат околу 669.000 лица.
Според податоците на УНОЦХА, во налетот на невремето во Сомалиленд загинале најмалку 25 лица, а 27 други се водат како исчезнати, додека во соседниот сомалиски сепаратистички регион Пунтланд и во Џибути животите ги загубиле по две лица.
Регионот Сомалиленд во 1991 година прогласи отцепување од Сомалија и од тогаш функционира како независна држава, иако нејзината независност не е меѓународно призната.
Ново на Сител
-
Светски берзи: Скок на цената на нафтата, пад на цената на златото и пченицата
-
Трет ден потрага по Данка, проверка на базните станици и телефоните на родителите
-
Хрватска: Наполитанки Кит Кат повлечени од пазарот
-
Две лица се приведени за убиството на лекарот во Железара
-
Се финализираат коалициите пред почетокот на кампањата за претседател следната недела
-
Во Собранието последна нова седница во овој парламентарен состав
-
Путин: Во Европа го плашат народот дека ќе ги нападнеме, сакаат да им ги земат парите
-
Четворица убиени, петмина избодени во напад во Илиноис