Над 300 мртви и над 6.000 повредени лица во катастрофалниот земјотрес во пограничниот регион на Иран со Ирак
20 секунди траел катастрофалниот земјотресот што синоќа го погоди реонот во близина на границата меѓу Ирак и Иран.
Потресот со јачина од 7, 3 степени според Рихтер уби најмалку 330 луѓе а над 6000 се повредени. Спасувачките екипи ги вложуваат сите напори да пронајдат прежиевани под урнатините.
Речиси сите жртви се од иранската провинција Керманшах. Најмногу погоден е градот Сарпол е Захаб. Материјалната штета е голема. Голем број куќи и згради се целосно уништени или оштетени.
На 70 000 луѓе им е потребно засолништето. Големи оштетувања има и главната болница во градот, па повредените се препраќаат во соседните градови. Во прекин е електричната енергија и телекомуникациите.
-Одеднаш падна стаклото од масата. Многу чудно. Вентилаторот почна да се тресе. Се исплашивме бидејќи знаевме дека мора да бегаме, куќата ни е стара, вели Иранец.
Значително помал е бројот на жртви , како и материјалната штета од ирачката страна.
- Ние немаме многу жртви како Иран. Бројот на загинати во Ирак е 9 соопшти претсавник на ирачкиот Црвен Крст.
Потресот го почуствувале и жителите на југозападна Труција, на Израел и на Кувајт. Утрово два поголеми земјотрести се забележани и во Јапонија и во Костарика. Во потресот во Костарика загинале 3 лица.
-
Емилија Штерјов
Сите содржини од овој новинар