Над 130 загинати во монсунските дождови во јужна Азија
Над 130 лица загинаа во природните несреќи во јужна Азија, предизвикани од монсунските дождови, пренесоа француските медиуми, повикувајќи се на властите во сите засегнати држави.
Поплавите и свлечиштата во Непал веќе го однесоа животот на најмалку 67 лица, а 30 се сметаат за исчезнати, покажуваат податоците на полицијата во оваа држава.
Во пакистанскиот дел на Кашмир, во поплавите животот го загубиле 18 лица, а повеќе од 50 куќи се оштетени.
Во Индија, пак, вчера се урнала неколкукатна зграда поради постојаните врнежи во туристички популарниот северен планински регион Хималаји Прадеш. Во несреќата загинале 14 лица, од кои 13 биле војници, јавија локалните власти. Спасувачите и градежните машини се уште трагаат по преживеани под урнатините од зградата.
Монсунските дождови во периодот јуни-септември секоја година предизвикуваат смрт и разурнувања низ цела јужна Азија, а поројните дождови ги поткопуваат лошо изградените и лошо обезбедени згради, забележуваат француските медиуми.
Ново на Сител
-
Сончево и топло до крајот на неделава со температури до 27 степени
-
Општините ќе одлучуваат дали ќе ги легализираат или рушат дивоградбите
-
Американската централна банка потврди рекордна загуба
-
Приведен крадец во Кочани, расчистени седум кривични дела
-
Џакарта повеќе нема да биде главен град на Индонезија
-
Кралот на Маорите на Нов Зеланд сака на китовите да им даде основни човекови права
-
Светски берзи: Скок на цената на нафтата, пад на цената на златото и пченицата
-
Трет ден потрага по Данка, проверка на базните станици и телефоните на родителите