Свет
8. February 2018 - 8:55

Над 100 провладини сириски борци убиени од коалицијата предводена од САД

Најмалку 100 сириски провладини борци биле убиени во воздушните напади во провинцијата Деир ал Зур, изведени од коалицијата предводена од САД, јавија американските медиуми, повикувајќи се на доверлив американски извор.

Доцна синоќа и рано изутрина, коалицијата предводена од САД, спречила и одговорила на напад против Сириските демократски сили (СДС) - сојуз од курдски и арапски милиции, изјавил изворот кој побарал да остане анонимен. 

Околу 500 сириски провладини борци, поддржани од тенкови, артилерија и минофрлачи го нападнале штабот на СДС, на што коалицијата предводена од САД соодветно одговорила.