Началникот на ГШ на АРМ Котески го посети тетовскиот регион
Началникот на генералштабот на АРМ, генерал-потполковник Горанчо Котески заедно со заменик министерот за одбрана Иљми Селами, заменик командантот на Здружената Оперативна Команда, бригаден генерал Мухамет Рацај и заменик командантот на 1. Механизирана пешадиска бригада, полковник Велин Стојановски ги посетија загрозените подрачја во Тетовско кои беа погодени од поплавите, соопштија од Министерството за одбрана.
За време на посетата во Мала Речица и Шипковица била согледана состојбата на настраданите подрачја и можноста за ангажирање на дополнителни сили од АРМ за расчитување на штетите.
Во текот на изминатите два дена во најзагрозеното подрачје во Тетово и Тетовско, четириесетина припадници на АРМ од гарнизонот Тетово, заедно со локалното населени работат на отстранување на последиците од поплавите.
Во Шипковица припадници на Армијата со службени кучиња се ангажирани и во пребарување на теренот за пронаоѓање на девојчето кое исчезна во текот на поплавите. Во загрозените подрачја ангажирани се и инженериски машини и цистерни со вода за пиење за локалните жители.
Од АРМ информираат дека во наредниот период е можен ангажман на војската и инженериска механизација во селото Порој, Тетовско за изградба на мост.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово