На жирафите им се заканува исчезнување
Постои голема опасност жирафите целосно да исчезнат од светот на животните, со оглед на тоа дека нивната бројка се намалила за 40 отсто изминатите три децении, предупреди Меѓународниот сојуз за заштита на природата (МСЗП).
Највисокиот копнен цицач е вклучен на црвената листа на Сојузот со степен „ранлив вид“, соопшти МСЗП на конференција на Обединетите нации за биодиверзитет во мексиканското летувалиште Канкун.
Над овој степен се само степените „загрозен“, „критично загрозен“ и „исчезнат“.
Жирафите се соочуваат со опасност поради незаконскиот лов, вооружени конфликти, неексплодирани мини и проширување на плоштината на земјоделските стопанства, нагласи МСЗП, чие седиште е во Швајцарија.
Во моментов во Африка останале помалку од 98 илјади жирафи.
- Владите имаат голема одговорност да ги зголемат напорите за заштита на биодиверзитетот на нашата планета, истакна генералниот директор на МСЗП, Ингер Андерсен.
Ново на Сител
-
Тема на денот со Филип Рикер, поранешен амбасадор на САД во Македонија
-
„Алкалоид“ пушти во употреба нов светски погон за производство на лекови вреден 19.4 милиони евра
-
Четири години Македонија членка на НАТО
-
Гир: Не е точно дека ЕУ не ја сака Македонија, членството е лесно достижно
-
Тошковски: Сериозно сум загрижен за изборниот процес
-
Се заокружуваат предизборните коалиции
-
Азески: Економијата да биде приоритет, а политичарите да ги исполнат ветувањата
-
Приватните специјализанти на протест – нема корекција на плати пред избори, им вратија надлежните