На земјоделците од Крива Паланка и Ранковце на располагање 43 хектари државно земјиште

 

- Земјоделците од Крива Паланка и Ранковце од денеска до 29 септември можат да аплицираат како физички лица за закуп на државно земјиште до три хектари. Тие можат да поднесат барање за закуп во траење од 15 до 70 години, зависно од  од активноста и од земјоделската култура која ќе се одгледувааат на земјиштето, информира Валтко Ристовски, советник во стручната канцеларија на Агенцијата за поттикнување и развој на земјоделството од Крива Паланка.

 

Ристовски додаде дека почетната цена по хектар се утврдува во зависност од местоположбата и од катастарската класа на парцелата и изнесува од 5 до 25 евра, а увид во податоците за секоја површина може да се направи на официјалната страница на МЗШВ, но и во Подрачнатa единица во Крива Паланка.

 

- Со ова се исполни уште едно од ветувањата на премиерот Никола Груевски со кое ќе се овозможи и намалување на невработеноста во двете општини со тоа што голем број индивидуални земјоделци ќе можат да добијат земјиште и да се самовработат, а земјоделците кои живеат во близина на локациите кои се даваат под наем ќе имаат приоритет за добивање на земјиште. За сите услови за аплицирање заинтересираните можат да се обратат во стручната канцеларија на АФПЗРР во Крива Паланка секој работен ден, како и во канцеларијата во Ранковце, секој вторник, ппојасни Ристовски.

 

На територијата на Крива Плаанка и Ранковце има регистрирано вкупно 1.500 езмјоделци. Критериуми врз основа на кои ќе се избира најповолен понудувач се оддалеченоста на местото на  живеење, понудена годишна закупнина по хектар и правниот статус на понудувачот. Образецот за учество на јавниот оглас може да се подигне во Министерството за земјоделство, подрачните единици и од веб страницата на Министерството.

 

Понудите се доставуваат до Генерален секретаријат на Владата на Република Македонија заклучно со 29 септември 2015 година.