На Пониква се одржа ридско-брзинска трка од Државниот шампионат во автомобилизам
На патеката долга 6,4 километри кон планинскиот туристички центар Пониква денеска се возеше ридско-брзинската трка „Кочани 2019“, во рамки на Државниот шампионат во автомобилизам.
На натпреварот, чиј организатор беше АКК „Custom car RT“ од Скопје, во сите четири класи учествуваа 25 возачи од Македонија и гости од Бугарија, а трката ја завршија 18 возила.
Во најниската класа А-1150, во која имаше и најголема конкуренција, најбрз беше Георгиј Наков од АКК „ПСС РТ“ од Скопје, пред Александар Георгиевски од АКК „Стефановски РТ“ и Александар Стојанов од АКК „Пулстарс“.
Во класата N-1400 имаше само двајца натпреварувачи, а трката успешно ја заврши Тоше Темелковски од АКК „Скопје“. Кај возачите од класата Е1-1600 победи Филип Василевски од АКК „Custom car RT“, а зад него се најдоа возачите на АКК „Скопје“, Дејан Стојанов и Златко Трајановски.
Во најсилната класа Е1-2000 првото место му припадна на Димитри Кимовски од АКК „Перформанс“, а зад него се најдоа Давид Малинковски од АКК „Custom car RT“ и Даниел Блажевски од АКК „ПСС РТ“.
Во екипна конкуренција најмногу поени освоија возачите од АКК „Custom car RT“, пред АКК „ПСС РТ“ и АКК „Скопје“. На прогласувањето на најдобрите, награди им беа доделени и на гостите од Бугарија, Диана Стојанова која возеше во класата Е1-2000 и Јасе Николов во Е1-1600, како и на дебитантот од Кочани, Дејан Манасиев.
Организаторите искажаа благодарност за сите кои помогнаа трката да се одржи, при што беше нагласено дека се очекува за првпат годинава, по неколкугодишна пауза, Државниот шампинат во автомобилизам успешно да се реализира. До крајот на сезоната преостануваат уште кружната трка во Кичево и ридско-брзинскиот натпревар на Витачево кај Кавадарци.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово