На Хаити уапсени осуммина „тешко вооружени“ мажи
Властите на Хаити уапсија осуммина „тешко вооружени“ мажи, меѓу кои петмина Американци и по еден Србин, Русин и Хаиќанец.
Тие биле уапсени за време на антивладини демонстрации, откако во нивното возило било пронајдено оружје, опрема за комуникација и неколку регистарски таблички, информира полициски извори.
Како што се наведува, полицијата во возилото пронашла шест митралези, седум пиштоли, дронови, сателитски телефони, заштитини елеци и друга воена опрема.
Седуммината уапсени беа идентификувани како Кент Леланд Крекер, Данило Бајавиќ, Влад Јанкович, Бартон Телон, Кристофер Осман, Даниел Дастин и Естера Мајкл.
– Групата од осум мажи е обвинета за нелегално поседување на оружје, а второто обвинение против нив е криминален заговор, соопшти полицијата.
Тие биле уапсени додека патувале во возила без регистарски таблички, а некои од нив тврделе дека работат за Владата.
Во моментот на нивното апсење, тие ја напуштале националната банка, но полицијата не пронашла никакви пари.
Опозицијата на Хаити од 7 февруари организира протести, барајќи оставка на претседателот Жовенел Моиз.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп