На Градскиот стадион во Кочани започна монтирањето на системот за наводнување
Активностите околу доопремување и модернизација на Градскиот стадион „Никола Мантов“ во Кочани се одвиваат според предвидената динамика и се реализираат фазно.
Механизација на Комуналното јавно претпријатие „Водовод“ работеше на ископ на каналите околу фудбалскиот терен, кој целосно е завршен. Од денеска започна и монтирањето на опремата, за да може во најкус можен рок таа да се активира.
- Станува збор за цевководна инсталација и водени топови со распрскувачи со кои ќе се врши наводнување на тревата на теренот. Опремата е автоматизирана што значи дека наводнувањето ќе се врши според потребите и од сопствен бунар за техничка вода што максимално ќе ги намали трошоците по тој основ, изјави Владо Андов претседател на Трета фудбалска лига - исток.
По завршувањето на оваа фаза веднаш ќе започне да се реализира втората, која се однесува на соодветна обработка на површинскиот слој на теренот, со цел да се рехабилитира и да се елиминираат деформитетите, односно нерамнините. Дури потоа ќе започнат активностите за поставување на 3.000 столчиња на двете трибини и соодветно преуредување на просториите за службени лица во внатрешноста на подтрибинскиот простор.
Се очекува Градскиот стадион „Никола Мантов“ во Кочани од наесен да биде подготвен за одржување на меѓународни натпревари од повисок ранг.
Ново на Сител
-
Герасимовски: Решен децениски проблем со безбедноста на сообраќајот на улицата ,,Наум Наумовски Борче"
-
Четврти ден штрајк на приватни специјализанти
-
Мицотакис: Да направиме сè што е во наши раце за смирување на кризата на Блискиот исток
-
Тухел за натпреварите со Реал: Баерн ќе игра против најголемиот клуб во светот
-
Соработувале со Русите и планирале да ја саботираат армијата, Германија уапси две лица
-
Приведени крадци во Битола
-
Гвардиола: Главната работа во фудбалот е да постигнеш гол
-
Артета: Арсенал имаше многу периоди на доминација, но тоа не беше доволно да го поминеме Баерн