На ГП „Богородица“ за излез од државата се чека од 15 до 30 минути

Зголемена фреквенција на возила на ГП Богородица каде времето на чекање за излез од државата е од 15 до 30 минути. На останатите гранични премини, од македонска страна, нема подолги задржувања за влез и излез од државата, информира АМСМ.

Сообраќајот на патиштата се одвива по суви коловози.

АМСМ препорачува прилагодена брзина на движење и внимателно управување со возилата, особено на делниците Катланово – Велес, Маврово – Дебар – Струга, Виница – Берово и Кочани – Делчево.