На Европа и се заканува нов мигрантски бран од Африка
Околу 15 милиони луѓе се подготвени до 2020 година да тргнат на драматичен пат преку Средоземно Море за да стигнат до ветениот Стар континент, се наведува во документот на австриската воена тајна служба, што ќе биде претставен следната недела.
Австриското воено разузнавање предупредува дека Нигерија, Демократска Република Конго, Судан и Етиопија се четирите држави од кои се очекува најголем миграциски бран кон Европа.
Во последните три години околу 550.000 Африканци побарале азил во земјите-членки на Европска унија. Најголемиот број се од Еритреја, Нигерија и Сомалија, а потоа следат Гамбија, Мали и Алжир, како и Судан, ДР Конго, Гвинеја и Сенегал, наведува германскиот весник „Билд“ кој имаше увид во документот на австриското воено разузнавање.
Бегалците од Еритреја и од Сомалија имаат право на азил, бидејќи доаѓаат од воени подрачја, а другите се евидентирани како економски мигранти.
- Бројот на африкански бегалци значитечно ќе се зголеми, ако ЕУ финансиски не ги поддржи погодените земји и не ја промени својата политика кон барателите на азил кои се економски мигранти, се наведува во документот.
Во извештајот на австриското воено разузнавање се посочува и дека поради големиот прилив на азиланти од Африка значително ќе се смени односот на ЕУ кон економските мигранти, како и оти ќе биде неопходна подобра контрола на надворешните граници на Унијата и воведување на модел за протерување на тие на кои им е одбиен азилот.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово