На барање на Турција силите на сириските Курди го напуштаат Манбиџ
Борците на силите на сириските Курди, Единиците за заштита на народот (ЈПГ) се повлекуваат од градот Манбиџ во северна Сирија и се префрлаат источно од реката Еуфрат, задоволувајќи го на тој начин барањето на Турција.
Во соопштението на оваа ЈПГ се вели дека нејзините припадници ја завршиле мисијата за обука на локалните курдски безбедносни сили во овој сириски град, што во август годинава го презедоа од џихадистите на Исламска држава (ИД).
Борците на ЈПГ од Манбиџ се префрлаат во реонот на Рака, каде заедно со другите бунтовнички сили, што се поддржани од меѓународната коалиција предводена од САД. се вклучуваат во офанзивата за преземање на овој град, кој важи за престолнина на т.н. Исламски Калифат, што го прогласи ИД.
Турција е непријателски расположена кон ЈПГ, иако тие војуваат против џихадистите во северна Сирија и ја имаат подршката на САД.
За официјална Анкара, Единиците за заштита на народот се „терористичка организација“. која е „продолжена рака“ на забранетата Курдска работничка партија (ПКК).
Подолго време, Турција бараше од припадниците на оваа курдска вооружена група да се повлечат источно од Еуфрат, заканувајќи се со напади врз нивните позиции.
Американскиот претставник на антиџихадистичката коалиција го поздрави решението на командата на ЈПГ.
Оваа курдска единица формираше сојуз со повеќе локални арапски бунтовнички групи создавајќи ја курдско-арапската алијанса Сириски демократски сили (СДФ).
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово