Живот
3. December 2016 - 10:35

На аукција боксерските ракавици на Али и пурите на Кастро

Боксерските ракавици на Мухамед Али и кутија со пури во сопственост на боксерот, која ја потпишал лидерот на кубансакта револуција Фидел Кастро ќе се најдат денеска на аукција во Лос Анџелес меѓу повеќе од 500 предмети од областа на спортот. 

Дарен Џулијен од аукциската куќа „Џулијенс окшнс“ очекува дека ракавиците на Али од борбата во која во 1970 година во Медисон сквер гарден го порази Оскар Бонавена ќе бидат продадени за повеќе од 60 илјади долари. 

- Тоа се навистина важни ракавици, бидејќи очигледно се носени во борба, но и затоа што предметите кои ги носел на мечевите не се појавуваат често на аукции, рече Џулијен. 

Други клучни предмети, кои му припаѓале на Али е и кутија со пури, која ја потпишал Кастро, кој почина минатата недела на 90 години. 

Али кутијата ја добил на подарок кога со својот долгогодишен пријател Хауард Бингам во 1998 година ја посети Куба во рамки на хуманитарна иницијатива.

- Тоа навистина стана важен предмет поради неодамнешната смрт на Фидел, рече Џулијен.