Кошарка
9. December 2015 - 14:07

МЗТ Скопје домаќин на Куманово

 
Во реприза на минатогодишното финале на кошаркарскиот шампионат на Македонија, попладнево во Скопје, ќе се одигра натпреварот меѓу МЗТ Скопје Аеродром и Куманово.
 
Оваа средба е последна од 9.коло во прволигашката конкуренција, а во неа шампионот МЗТ Скопје влегува по поразот во АБА лигата од Цедевита, по кој тренерот на Словенецот, Алеш Пипан си замина од тренерското место.  
 
На првиот меѓусебен натпревар одигран во Куманово на 21 октомври, кумановската екипа забележа минимална победа со 74-72, нанесувајќи му го единствениот пораз на МЗТ Скопје во осумте одиграни натпревари сезонава во домашното првенство. 
 
Натпреварот МЗТ Скопје Аеродром – Куманово ќе започне од 18 часот, а ќе се игра во СЦ „Јане Сандански’’. 
 
На останатите натпревари од ова коло беа постигнати овие резултати: Бест – Работнички 56-80, Карпош Соколи – Струмица 87-68 и Фени Индустри – Кожув 86-67. 

Табела

  1. Карпош Соколи 17 бодови (9 натпревари), 
  2. МЗТ Скопје А. 15 (8), 
  3. Кожув 15 (10), 
  4. Фени Индустри 14 (9), 
  5. Работнички 13 (9), 
  6. Куманово 12 (8),
  7. Струмица 10 (8) и 
  8. Бест 9 (9).