-->
-->
МЗШВ: Нема поткуп, туку навремена и неселективна исплата на субвенциите за земјоделците
-->
МЗШВ го потсетува дополнителниот заменик-министер за земјоделство, шумарство и водостопанство, Цветан Трипуновски, да не манипулира со земјоделците, редовните исплати на субвенциите согласно календарот за исплата, не се поткуп туку вистинска грижа за земјоделците.
Министерството за земјоделство, шумарство и водостопанство заедно со Агенцијата за финансиска поддршка во земјоделството и рураланиот развој (АФПЗРР), во изминатите две и пол години за прв пат после 11 години воспоставија механизам за навремена и неселективна исплата на субвенциите од Програмите за финансиска поддршка на земјоделството и руралниот развој. Сите земјоделци кои ги исполнуваат условите добиваат субвенции, нема веќе списоци за исплати.
Согласно планот, и во следниот период Агенцијата, ќе продолжи со исплатата на субвенциите од Програмата за финансиска поддршка на земјоделството и руралниот развој за 2019-та година согласно календарот за исплата. Годината што измина заврши со реализација на исплата од 99 отсто на субвенциите по Програмите за финансиска поддршка на земјоделството и руралниот развој.
Со ребалансот на Буџетот за 2019 година се обезбедија 915 милиони денари ( околу 15 милиони евра) за исплата на заостанати долгови од претходни години, тековни мерки од 2019 година, како и за исплата на интревентните мерки. Со оваа сума, буџетот за земјоделството за 2019 година достигна близу 8 милијарди денари.
Од 1-ви јуни 2017 заклучно со 31-ви декември 2019 година се исплатија над 335,3 милиони евра за субвенции во агросекторот, стои во реакцијата на Министерството.
Наташа хаџиспиркоска Стефанова
-->
-->
-->
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација