МЗ: Зголемен бројот на пациенти со мултипла склероза кои се на третман со иновативна терапија
Министерството за здравство, денеска соопшти дека во соработка со граѓанските здруженија посветено работи за унапредување на грижата за пациентите со мултипла склероза.
- Во 2019 година повеќекратко е зголемен бројот на пациенти кои се на третман со иновативната терапија Ocrelizumab, и тоа од девет пациенти кои минатата година беа на третман со оваа терапија, сега истата ја примаат вкупно 43 пациенти со оваа дијагноза. Лековите за мултипла склероза се достапни за сè поголем број пациенти. Моментално се лекуваат 534 пациенти што е зголемување за 47 отсто наспроти пред две години (362). Исто така за 263 отсто е зголемена и достапноста на високоефикасните лекови за истиот период, 109 наспроти 30 пациенти, наведуваат од Министерството за здравство.
Со примањето на иновативните лекови,како што додаваат, може да се контролира прогресијата на болеста, а првпат во јавното здравство обезбедена е и посебна просторија каде овие пациенти со соодветен медицински надзор ја примаат инфузионата терапија.
Мултипла склероза (МС) е една од најчестите невролошки нарушувања и причини за инвалидитет кај младите возрасни лица. Тоа е хронична, прогресивна, имунолошки посредувана, воспалителна и дегенеративна болест на централниот нервен систем.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка