Македонија
24. December 2019 - 11:07

МВР со детали за запленетите 700 килограми кокаин во Шпанија, Стојановска била логистичка поддршка

Актерката Силвија Стојановска била само помагач на криминалната група која дистрибуирала кокаин во земјите од западна Европа.

Таа била одговорна за резервирање на хотелски претстој, но и за трансфер на 10 илјади евра.

Министерството за внатрешни работи денеска ги обелодени деталите од меѓународната акција за сузбивање на организиран шверц на 700 килограми кокаин од Колумбија во Европа.

Уапсени се вкупно пет лица, а по две се трага.

Покрај Стојановска, во Скопје е приведен и нејзиниот сопруг Воислав Будисављевиќ. Во Мадрид е приведен и братот на Будисаљевиќ, заедно со уште двајца шпански државјани.

Сите се сомничат за неовластено производство и пуштање во промет на наркотици. Акција е спроведена со помош на шпанската полиција и американскиот оддел за сузбивање на шверц со дрога.

Се проценува дека вредноста на кокаинот во промет би достигнала околу 20 милиони евра.

Горан Симоновски