МВР со детали за прегазеното шестгодишно девојче во Тетово

Вчера во 18.00 часот било пријавено дека на ул.„Видое Смилевски-Бато“ во Тетово, патничко возило „фолксваген голф“, со тетовски регистарски ознаки, управувано од З.В.(30) од с.Фалише, тетовско, удрило во малолетен пешак од Тетово, соопштија од МВР.

По незгодата пешакот бил пренесен во Клиничкиот центар Тетово, каде од страна на лекар била констатирана смрт.

Извршен бил увид на местото на незгодата од Јавен обвинител и увидна екипа од СВР Тетово.