МВР: Прекршочни пријави за Стоилов и напаѓачот за тепачката кај Силбо
Полицијата денеска излезе со официјално соопштение во врска со тепачката во која беа нападнати македонските ракометни репрезентативци Столе Стоилов и Дејан Манасков.
Според полицијата Столе Стоилов се здобил со видливи повреди откако околу 4 часот изутрина бил физички нападнат од Т.Г (33) од Скопје и уште четири-пет непознати лица.
Стоилов го пријавил нападат изутрина во 4:30 часот во полициската станица Центар. Околу четири часот во пекарницата „Силбо“ на ул.„Костурски херои“ бб додека Стоилов јадел заедно со неговите другари Манасков и Никола Трипуновски му пришле четири до пет непознати лица, кои сакале да се сликаат со него. Кога одбил почнале вербално да го навредуваат и да му упатуваат поградни зборови, по што излегле надвор и почнале да ги оштетуваат возилата на Манасков и Трипуновски.
По ова и Стоилов заедно со Манасков и Трипуновски излегле надвор да видат што се случува при што Стоилов бил физички нападнат со клоци и тупаници од страна на Т.Г. и другите непознати лица со кои претходно имал вербална расправија.
Од извршениот разговор со инволвираните лица и со сведоците случајот е расчистен и на Стоилов и Т.Г. им е издаден записник за констатиран прекршок „тепачка“ по чл. 11 од ЗППЈРМ, се вели во соопштението од МВР.
Ново на Сител
-
Точно 353 балерини го соборија рекордот во „бурè“ танц на прсти
-
„Гугл мапс“ ќе може да го посочува најблискиот полнач за електромобили
-
ЕП: Ракометарките против Шведска, Унгарија и Турција
-
УЕФА ја казни Барселона
-
Ѓорческа не го помина второто коло на фјучрсот во Копер
-
Хамилтон: Ќе се тркам долго откако ќе наполнам 40 години, Ферари не е нешто краткорочно
-
Продолжуваат кампањите за претседателските и парламентарните избори
-
Протест на вработените во културните институции поради неисплаќање на мартовската плата