МВР излезе со детали: Познат идентитетот и возраста на загинатите од Арачиново
Министерството за внатрешни работи излезе со детали во врска со вчерашната сообраќајна несреќа во кумановско Романовце во која животот го загубија три лица.
Од полицијата информираат дека несреќата се случила околу 11:45 часот на обележан железнички премин со поставени сообраќајни знаци.
-Товарен воз кој сообраќал на релација Табановце-Гевгелија удрил во патничко моторно возило „Голф“ со скопски регистерски таблици управувано од Н.Б.(52) во кое како сопатници биле С.Б.(48), З.Б.(79) и И.Б.(43), сите од с.Арачиново-скопско. Во незгодата на местото на настанот починале возачот Н.Б., С.Б. и З.Б. додека И.Б. успеал да излезе од возилото и не се здобил со повреди, информираат од МВР.
Од страна на лекар од екипа на Итна медицинска помош констатирана била смрт.
Железничкиот сообраќај на тој дел од пругата бил во прекин до 17:25 часот односно до завршување на увидот од страна на Јавен обвинител и увидна екипа од СВР-Куманово.
По наредба на ЈО телата на настраданите се предадени на семејството за погреб. Се работи на целосно расчистување на случајот.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација