Музејот на тетовски крај ги повикува граѓаните да учествуваат на изложба на накит што се носел со народните носии
Граѓаните кои поседуваат накит што се користел со народните носии може да го изложат во рамки на изложбата која ја подготвува Музејот на тетовски крај за крајот на годината. Од Музејот ги повикуваат граѓаните да придонесат со презентирање на накитот со оглед дека во оваа установа постои само мал број на предмети од таков етнолошки материјал.
– Музејот располага со збирка на накит, но нецелосен и недоволен. Затоа ги повикувам граѓаните од тетовско, оние кои имаат накит, а кои сакаат да го отуѓат или накит кој сакаат да го презентираат со враќање назад по изложбата, можат да дојдат во музејот да го депонираат и истиот накит ќе биде евидентиран ќе биде обработен и по перформансот ќе биде вратен. Ги повикувам граѓаните од сите етнички заедници од сите националности да го донесат во музејот и со тоа да ја збогатат изложбата. Оние кои сакаат да го отуѓат трајно може да добијат и финансиска надокнада, изјави Валентина Гавриловска, кустос-етнолог во Музејот на тетовски крај.
Накитот што се носел со народната носија е од монистра, златен или сребрен накит. Луѓето и сега го носат како семејно наследство, а претставува и етнолошко богатство, потенцира Гавриловска.
-Накитот претставува етнографски белег и идентификациски код на посебност и автентичност. Накитот е како симбол и израз на статус и економска моќ. Накитот како средство за покажување на елеганција, моќ и економски статус отсекогаш се носел и истиот ја зборува приказна за семејната, традиција, националната традиција и економската моќ на семејствата во Тетовско, вели кустосот Валентина Гавриловска.
Предвидено е изложбата да се одржи кон крајот на ноември или декември.
Ново на Сител
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон