Мустафа: Кој нема да гласа за демаркацијата ќе нема место во партијата
Пратениците од редовите на Демократскиот сојуз на Косово (ЛДК), кои ќе бидат против договорот за демаркација на границата со Црна Гора, ќе немаат можност да ја бараат доверба на граѓаните за повторно да бидат пратеници на партијата, изјави партискиот лидер и актуелен косовски премиер Иса Мустафа.
Како што јави дописникот на МИА, Мустафа за весникот „Тибуна чанел“ вели дека е убеден оти секој пратеник од неговата партија е свесен дека со договорот Косово не губи своја територија.
- Со противењето за демаркацијата, пратениците се обидуваат да собираат политички поени, оценува Мустафа.
Тој додава дека не го заплашуваат заканите во случај на гласање на демаркацијата.
- И доколку плоштадот се исполни со луѓе од „Гранд“, па се до Парламентот, нема да не заплашат, изјави Мустафа.
Мустафа ги отфрла тврдењата дека Косово на Црна Гора и го отстапува врвот Чакор.
- Да беше Чакор во рамките на општина Пеќ и со демаркацијата да останаше на црногорска територија, би имало причина за критики,но сите знаат дека Чакор е надвор од Косово. И овчарите го знаат тоа, знаат каде ги имаат пасиштата и бачилата, изјави Мустафа.
Владата планира набрзо договорот да биде на дневен ред на седница на Парламентот, но опозицијата се закани дека во таков случај „ќе го врати“ солзавецот во собраниската сала.
Ново на Сител
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено