Муижниекс: Мигрантската политика на Европа е катастрофална
Комесарот на Советот на Европа за човекови права Нилс Муижниекс оцени денеска по повод Денот на човековите права дека одговорот на Европа на мигрантската и бегалската криза бил катастрофален и повика за промена на пристапот, со цел да се покаже солидарност и толеранција.
- Само оваа година повеќе од 3.600 луѓе, од кои многу жени и деца ги загубија животите во обид да стигнат до Европа, бегајќи од војни и сиромаштија, се наведува во писмената изјава на Муижниекс.
- Тие веруваа дека нивните животи и достоинство и се важни на Европа, но Европа ги изневери. Начинот на кој тие европски земји се однесуваа кон доаѓањето на мигрантите и барателите на азил едноставно беше катастрофален, нагласи тој.
Комесарот напомена дека доколку тоа не се промени вредностите и принципите на Универзалната декларација за човекови права едноставно ќе ја загуби смислата.
Муижниекс нагласи дека Европа е соочена со бран бегалци и баратели на азил без преседан, некои земји ги заостриле законите за азил и имиграција, а други поставувале огради и ги задржувале барателите на азил во „структури слични на затвори“, додека случаите на политичко насилство и антиимигрантска реторика добиле на сила во јавната дискусија и во политичката дебата.
- Не можеме да ја толерираме оваа ситуација. Европските земји мораат да го променат пристапот и да ги почитуваат вредностите на солидарноста и толеранцијата, на кои се обврзаа кога влегоа во СЕ, истакна комесарот за човекови права.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово