МТСП: Почнува етапната исплата на ноемвриските пензии
Министерството за труд и социјална политика информира дека пензиите за ноември почнуваат да се исплаќаат од денеска, предвреме и етапно, со цел да се овозможи поголема заштита на пензионерите во услови на опасност од коронавирусот КОВИД-19.
Подигнувањето на пензиите преку филијалите и експозитурите на банките за пензионерите кои не користат картички ќе се реализира во четири групи, според висината на пензијата и тоа денеска ќе се врши исплата на пензии со висина до 11.000 денари, утре на пензии во висина од 11.001 денари до 14.000 денари, во понеделник ќе се испла
ќаат пензии во висина од 14.001 денари до 18.000 денари, а во вторник пензии во висина над 18.000 денари.
-Пензионерите кои користат платежна картичка, поврзана со сметката на која се префрлува пензијата, со парите можат да располагаат од четврток 26 ноември. Тие можат да ја подигнат пензијата на банкомат, да ги користат средствата за плаќање во трговската мрежа или за електронски плаќања. Етапното процесирање на пензиите ќе овозможи спроведување на препораките и мерките за спречување и ширење на вирусот, со оглед на тоа што пензионерите како возрасна група се најранливи, се вели во денешното соопштение од МТСП.
Од Министерството потенцираат дека пензиите се сигурни на сметките на корисниците, оти пензискиот систем е стабилен и функционира без проблеми. Апелираат до пензионерите да се придржуваат до распоредот за исплати, затоа што, како што посочуваат, етапната исплата е направена со цел да се намали метежот пред банките и можностите за загрозување на личното и јавното здравје.
МТСП потсетува на обврската за носење лична заштитна опрема којашто ги покрива пределот на носот и устата како и на држење растојание при чекање ред пред и внатре во банките.
Ново на Сител
-
Во Авганистан се загрозени 10 милиони деца поради недостиг на храна
-
Да продолжат разговорите со Бугарија, процесот да заврши со старт на преговорите за членство, порачуваат европските дипломати во земјава
-
Прв пат донесена Програма за водостопанство, од државниот буџет одвоени 916.000.000 денари
-
Да се донираат средства за обнова и реконструкција на ГТЦ „Глобал“ – Струмица, препорачува Владата
-
Вархеј: Се воспоставува механизам за пристап на вакцините до Западен Балкан
-
Нови 400 случаи на Ковид-19, 11 починати и 206 оздравени пациенти во изминатото денонoќие
-
Мицкоски: Власта не се консултира со опозицијата за пакетот мерки
-
Владата го утврди Предлог-Законот за изменување и дополнување на Законот за електронски комуникации