Македонија
1. July 2016 - 14:30

МПС: Најостро ги осудуваме вулгарните и безумни навреди кон полициските службеници

Македонскиот полициски синдикат најостро ги осудува вулгарните, а на моменти и безумни навреди кои поединци од универзитетската и политичката  фела, вчера ги упатија кон полициските службеници кои ја остваруваа својата службена должност при настаните во УКИМ, реагираат од Македонскиот полициски синдикат (МПС).
 
-Како преставници на полициските службеници кои за сиот период на политичката криза во државата со својот професионален однос, но и дипломатски сенс за чуствителноста на актуелниот момент, прераснаа во најстабилниот фактор за одржување на безбедноста и мирот во овие случувања, бараме  да се почитува интегритетот и достоинството на нашите колеги и да не се прават обиди за  нивна провокација со цел инволвирање во политичката криза, се вели во реакцијата.